Home Prior Books Index
←Prev   Hosea 6 as rendered by/in  Next→ 

Did you notice?
 You can SEARCH IslamAwakened: 

6:1  לכו ונשובה אל יהוה כי הוא טרף וירפאנו יך ויחבשנו
6:2  יחינו מימים ביום השלישי יקמנו ונחיה לפניו
6:3  ונדעה נרדפה לדעת את יהוה כשחר נכון מצאו ויבוא כגשם לנו כמלקוש יורה ארץ
6:4  מה אעשה לך אפרים מה אעשה לך יהודה וחסדכם כענן בקר וכטל משכים הלך
6:5  על כן חצבתי בנביאים--הרגתים באמרי פי ומשפטיך אור יצא
6:6  כי חסד חפצתי ולא זבח ודעת אלהים מעלות
6:7  והמה כאדם עברו ברית שם בגדו בי
6:8  גלעד קרית פעלי און--עקבה מדם
6:9  וכחכי איש גדודים חבר כהנים דרך ירצחו שכמה כי זמה עשו
6:10  בבית ישראל ראיתי שעריריה (שערוריה) שם זנות לאפרים נטמא ישראל
6:11  גם יהודה שת קציר לך בשובי שבות עמי