Quantcast
Ads by Muslim Ad Network









al-Mursalat Farsi:: Ghodratollah Bakhtiari Nejad 

Ayat
77:1وڻندڙن لڳندڙن ھيرُن جو قسم آھي
77:2پوءِ زور سان لڳڻ وارن وائن جو قسم آھي
77:3۽ (ڪڪرن کي) کڻندڙن پکيڙيندڙن وائن جو قسم آھي
77:4پوءِ (ڪڪرن کي) ھڪ ٻئي کان جدا ڪندڙ وائن جو قسم آھي
77:5پوءِ وحي آڻيندڙ ملائڪن جو قسم آھي
77:6(جي) عذر وڃائڻ لاءِ يا ڊيڄارڻ لاءِ (وحي آڻيندا آھن)
77:7تہ بيشڪ جنھن (ڳالھ) جو اوھان کي انجام ڏجي ٿو، سا ضرور ٿيڻي آھي
77:8پوءِ جڏھن تارا ميٽي ڇڏبا
77:9۽ جڏھن آسمان چيربو
77:10۽ جڏھن جبل اُڏائبا
77:11۽ جڏھن پيغمبر (ٺھرايل وقت تي) گڏ ڪبا
77:12(تڏھن ثابت ٿيندو تہ پيغمبرن کي) ڪھڙي ڏينھن لاءِ ترسايو ويو؟
77:13فيصلي جي ڏينھن لاءِ
77:14۽ تو کي ڪھڙيءَ شئي ڄاڻايو تہ فيصلو جو ڏينھن ڇا آھي؟
77:15اُن ڏينھن ڪوڙ ڀائيندڙن لاءِ ويل آھي
77:16پھرين کي ھلاڪ نہ ڪيو اٿئون ڇا؟
77:17وري (اُن کانپوءِ) پوين کي انھن جي پٺيان آڻيندا آھيون
77:18ايئن ڏوھارين سان ڪندا آھيون
77:19اُن ڏينھن ڪوڙ ڀائيندڙن لاءِ ويل آھي
77:20اوھان کي خسيس پاڻيءَ مان نہ بڻايو اٿئون ڇا؟
77:21پوءِ اُن (پاڻيءَ) کي ھڪ پختي ھنڌ ۾ رکيوسون
77:22ھڪ مقرر وقت تائين
77:23پوءِ (کيس) پورو بڻايوسون جو (اسين) چڱي سگھ وارا آھيون
77:24اُُن ڏينھن ڪوڙ ڀائيندڙن لاءِ ويل آھي
77:25زمين کي ماپائڻ واري نہ ڪئي اٿئون ڇا؟
77:26(جو) جيئرن ۽ مُئن کي (ماپائي)
77:27۽ زمين ۾ وڏا پڪا جبل (پيدا) ڪياسون ۽ اوھان کي مٺو پاڻي پياريوسون
77:28اُن ڏينھن ڪوڙ ڀائيندڙن لاءِ ويل آھي
77:29(چيو ويندو تہ ھاڻي) جنھن (دوزخ) کي اوھين ڪوڙ ڀائيندا ھئو، تنھن ڏانھن ھلو
77:30(چئبن تہ) ٽن شاخن واريءَ ڇانوَ ڏانھن ھلي پئو
77:31نہ ٿڌي (ڇانوَ) ھوندي ۽ نہ (باھ جي) تَوَ کان بچائيندي
77:32بيشڪ اُھا (باھ) ماڙيءَ جيڏيون چڻنگون اڇليندي آھي
77:33ڄڻ تہ اُھي ھيڊا اُٺ آھن
77:34اُُن ڏينھن ڪوڙ ڀائيندڙن لاءِ ويل آھي
77:35اُِھو ڏينھن اُھو آھي جنھن ۾ نہ ڳالھائيندا
77:36۽ نڪي کين موڪل ڏبي تہ (ڪو) عذر (بيان) ڪن
77:37اُن ڏينھن ڪوڙ ڀائيندڙن لاءِ ويل آھي
77:38ھيءُ فيصلي جو ڏينھن آھي، اوھان کي ۽ اڳين کي گڏ ڪيوسون
77:39پوءِ جيڪڏھن اوھان کي ڪا بڇڙي رٿ ڪرڻي آھي تہ منھنجي حق ۾ رٿيو
77:40اُن ڏينھن ڪوڙ ڀائيندڙن لاءِ ويل آھي
77:41بيشڪ پرھيزگار ڇانوَن ۽ چشمن ۾ ھوندا
77:42۽ جنھن جنس مان گھرندا (تنھن جنس جي) ميون ۾ ھوندا
77:43(چئبن تہ) چڱا ڪم ڪندا ھئو، تنھنڪري خوش ٿي کائو ۽ پيئو
77:44بيشڪ اسين نيڪن کي ايئن بدلو ڏيندا آھيون
77:45اُن ڏينھن ڪوڙ ڀائيندڙن لاءِ ويل آھي
77:46(اي ڪوڙ ڀائيندڙؤ! دنيا ۾) ٿوري دير کائي وٺو ۽ مزا ماڻي وٺو، بيشڪ اوھين ڏوھاري آھيو
77:47اُن ڏينھن ڪوڙ ڀائيندڙن لاءِ ويل آھي
77:48۽ جڏھن کين چئجي تہ نماز پڙھو (تڏھن) نماز نہ پڙھندا آھن
77:49اُن ڏينھن ڪوڙ ڀائيندڙن لاءِ ويل آھي
77:50پوءِ اُن (قرآن) کانپوءِ ڪھڙيءَ ڳالھ سان ايمان آڻيندا؟



Share this Surah Translation on Facebook...